Kàddu yu Xelu 24:5-17

⁵Ku rafet xel di boroom doole, ku xam, gëna man;

⁶tegtal yu xelu lañuy xaree, diisoo bu yaatooy maye ndam.

⁷Wax ju xelu sut nab dof, jataayu pénc du fa àddoo.

⁸Kuy mébét lu bon, ñu ne yaay rambaaj bi.

⁹Pexem dof bàkkaar la, te kuy ñaawle, ñu sib la.

¹⁰Bu mettee, nga yoqi, sa doolee néew.

¹¹Wallul ku ñuy reyi te tooñul, xettlil kuy tërëf, ñu di ko reyi.

¹²Soo nee sa yoon nekku ci it, kiy natt xol yi, xam na, moom miy wattu sa bakkan, xam na, te kat mooy fey nit jëfam.

¹³Doom, deel lekk lem, baax na, lem ju xelli, boo sexee, mu tem-temi.

¹⁴Xamal ne xel mu rafet ni la neexe; soo xeloo, sa muj rafet, te sa yaakaar du tas.

¹⁵Soxor bi, bul tëru ku jub ci këram, bul yàq dëkkuwaayam.

¹⁶Ku jub day daanu juróom yaari yoon, jógaat, ab soxor sërëx ci njekkar.

¹⁷Bu sab noon daanoo, bu ko bànneexoo, bu tërëfee, bu ko bége.