Zinama Tumatumae 24:24-32

²⁴Asa pu zama koasa tie koa ia sinea, “Agoi si toṉoto mua” si kote leve nia rina tie si asa meke kilua rina butubutu.

²⁵Ba kote ta qetue si arini pu va kilasi sarini pu tavete sea, meke na minana si kote kamo la koa rini.

²⁶Na inolaṉa hinokarana si variva qetu hola.

²⁷Va hokotia sa mua tinavete pa sada, meke va nama ni sari na mua inuma; beto asa si mu kuria sa mua vetu.

²⁸Mu lopu va sosode hoboro la koasa turaṉamu, babe kokoha nia sa berumu.

²⁹Mu lopu zama, “Kaqu tavete la nia rau koasa gua sapu tavete mae nia sa koa rau; kaqu hobequ si arau.”

³⁰Ene hola nia rau sa inuma tanisa udapelu, hola nia sa inuma vaeni tanisa tie sapu lopu tumae balabala;

³¹na hiqohiqo rakihi si sage doduru vasina, sa pepeso si ele arahia na hilibubuku, meke sari gobana si ele huara gore.

³²Doṉo la si rau meke vilitia, si keke tinumatumae si dogoria rau: