YOHAAN 6:56-60

⁵⁶A’diyin jin ’ka buŋgwar is pem mo dhali p̱iya bas pem mo tani a’di nyaḵki c̱a’b e aha/ mo dhali aha/ e a’di mo be.

⁵⁷Dhali me’da Babam pem jin di’d ki e mo dhali hash aha/ mo tani dhali aha/ dina ki e mo goma Baba mo, wakan a’diyin jin midi ’ka aha/ mo tani midi di ki e mo gom aha/ mo be.

⁵⁸Yansan ta maa jin thulki’da ’cesh ’peni momis mo, yisa waki jin shwakina icim dhali wu mowa. A’di jin midi shwa maa yansan mo tani midi di ki e ki sule/ sule/ ya ye ’ba/ mo be.

⁵⁹Gwo yansan okina a’di e gu’b gi montul is buni mo me’d jin ṯorkina a’di uni gwo mo e Paŋ Kap̱ranahuum mo be.

⁶⁰Imanciḵ a’di gwo ka ris ki uni ciḵki gwo yansan mo tani uni o gwo mo ki: Gwo yansan ’bitha’bi’th mo be. Aja a’di imidi mish a’di ciḵ mo?