Yaburina 97:3-12

³Tɛɛna a yɛɛ ra, naxan a yaxune ganma a rabilinni.

⁴A kuyen na a ɲinna masɔxɔn, dunuɲa birin yi yalan. Bɔxɔn yi a to a xuruxurun.

⁵Geyane xuyama ayi Alatala yɛtagi, dunuɲa birin Marigina, alo kumi dolen na xulun.

⁶Koren xɔnna a tinxinyaan nalima nɛn, siyane birin yi a binyen to.

⁷Suxure batune yagima nɛn, naxanye suxurene matɔxɔma. Alane birin e xinbi sinma nɛn a bun.

⁸Siyon kaane a mɛma nɛn e sɛwa. Yuda taane yi ɲaxan i ya kiti saxine fe ra, Alatala.

⁹Alatala, i tan nan Kore Xɔnna Ala ra dunuɲa birin xun na. I tan gbo dangu alane birin na.

¹⁰Alatala rafan naxanye ma, fe ɲaxin xa raɲaxu ne ma. A tɔgɔndiya muxune kantanma nɛn, a yi e xunba muxu ɲaxine yii.

¹¹Kɛnɛnna minima nɛn tinxin muxune xa, muxu sɔndɔmɛ faɲine sɛwama nɛn.

¹²Ɛ tan naxanye birin tinxin, ɛ sɛwa Alatala a fe ra, ɛ a xili sariɲanxin tantun.