Yaburina 77:9-19

⁹Marigina hinanna bata ɲan ba, han habadan? A tulisaan bata ɲan ba, han habadan?

¹⁰Ala bata ɲinan hinanna xɔn ma ba? Ala bata a kininkininna ɲan a xɔlɔni ba?”

¹¹N yi a fala, n naxa, “Naxan n tɔrɔma, na ni ito ra: Kore Xɔnna Ala mi fa a fangan yitama alo a fɔlɔni.”

¹²Alatala, n xa i ya kɛwanle rabira n yɛtɛ ma. I ya kabanako fe fonne yi rabira n ma.

¹³N xa n miri i ya wanle ma. N yi n xaxili lu i ya wali gbeene xɔn ma.

¹⁴Ala, i ya kiraan sariɲan. Batu se yo mi gbo alo Ala.

¹⁵Ala nan i tan na naxan kabanako wanle kɛma. I bata i sɛnbɛn mayita siyane tagi.

¹⁶I bata i ya yamaan xunba i sɛnbɛni, Yaxuba nun Yusufu bɔnsɔnne.

¹⁷Ala, igene to i to, e yi xuruxurun. Tilinne yi xuruxurun.

¹⁸Tulen yi godo keli kore. Galanna yi a xuiin namini kore. Kuyen yi a ɲinna masɔxɔn yiren birin yi.

¹⁹I ya kuye sarinna xuiin yi gbo ayi. I ya kuyena ɲin masɔxɔnna yi dunuɲa birin yiyalan. Bɔxɔn yi xuruxurun, a yi yimaxa.