Psalms 77:9-19

⁹Gur, ke pag Got talin ni nge runguydad? Gur, damumuw e ke yon’ luwan e runguy rok?”

¹⁰Ma aram me lungug, “N’en ni ka ri kireban’ug ngay e Got e daki gel gelngin.”

¹¹SOMOL, bay i yib ngan’ug e pi gafarig rom ni bfel’; bay ug leamnag e pi ma’ang’ag ni um rin’ kakrom.

¹²Bay gu leamnag murung’agen urngin e tin kam rin’; bay gu par ma gu be tafinaynag urngin e tin kam rin’ nrib th’abi fel’.

¹³A Got, gubin ni ga be rin’ ma ba thothup. Dariy reb e got ni bod feni sorom.

¹⁴Gur e Got ni ga ma ngongliy e maang’ang; kam dag gelngim u fithik’ e pi nam.

¹⁵Gelngim nib gel e mu ayweg e girdi’ rom ngay, ni pi’in owchen Jakob nge Josef.

¹⁶A Got, nap’an ni guyem e day me rus, me durru’ t’ay e regur.

¹⁷Yungi manileng e pu’og e ran nga but’; me chublingan e derra’ u lane lang, me mat e uluch u gubin i yang.

¹⁸Lingan e dirra’ rom e malay nga but’, ma ram’en e uluch ni be matmat e gal’ e fayleng; me t’on nge rur e fayleng.

¹⁹Ga ma yan u fithik’ e n’ew, ngam th’ab nga barba’ e regur, machane, luwan em e dab ni guy.