Yaburina 65:2-9

²Ala, a lan yamaan yi i tantun Siyon yi, nxu mɔn yi nxu dɛ ti xuine rakamali.

³I tan naxan maxandi xuine ramɛma, muxun birin fama nɛn i fɛma.

⁴Hakɛne to sɛnbɛn sɔtɔ nxu xun ma i yi nxɔ matandine mafelu.

⁵Sɛwan ne xa, i bata naxanye sugandi e xa lu i konni! Nxu bata lugo i ya banxin fe faɲine ra, i Batu Banxi Sariɲanxina.

⁶I nxɔ maxandin yabima kabanakoon nan na tinxinni. Ala nxu rakisimana, bɔxɔn danna muxun birin yigina i tan nan na, e nun naxanye fɔxɔ igen kidi ma pon!

⁷I sɛnbɛn bata geyane da bayo fangamaan ni i ra.

⁸I bata baan xuini ti, i yi a walanne raxara. I mɔn yi siyane masabari.

⁹Dunuɲa birin gaxuma i ya kabanakone yɛɛ ra. Keli sogetedeni han sogegododeni, e birin bɛtin bama i xa sɛwani.