YƐSÃÃ 65:2-9

²Kuyie nhɑ ɛì Siyɔ̃ɔ̃ miɛkɛ fɔ̃́ɔ̃̀ dò mbɛnìtìbɛ̀ bɛmɔu ndɑ sɑ̃ntí, bɑ́ wè kòo ndɔɔri ò dɑ dɔúnnɛ̀ dìì nùù.

³Fɔ̃́ nwèè yo bɛnìtìbɛ̀ bɑ́ɑmmìi, bɛnìtìbɛ̀ bɛmɔu kɔ̀rìní ɑ borɛ̀ ndɛ.

⁴Ti yɛi mmɛɛ̀ ti dɛutɛ́, fɔ̃́ɔ̃̀ ti cĩ́ɛ̃nko ti cɑɑ̀rìmɛ̀.

⁵Dɛ̀ nnɑɑti ɑ tɑ̃ɑ̃tɛ́ bɛ̀ kɛ̀ bɛ̀ bo mbo ɑ cĩ́ɛ̃̀tɛ̀, tíì yó nte dɛsɑ̀ɑ̀rɛ̀ dɛ̀ɛ̀ bo ɑ cɛ̃sɑ̀ɑ̀tɛ̀ miɛkɛ, kɛ̀ dɛ̀ nti sɑ̀nnɛ̀.

⁶Fɔ̃́ nKuyie nti dɛɛtíwè, fɔ̃́ ntimɔ́mmɔnti yiɛ̀, fɔ̃́ɔ̃̀ cɔú ti bɑ́ɑmmu kɛ dɔɔri tidiɛtì kɛ̀ titentì timɔu kɔbɛ dɑ búɔ́ nɛ̀ kɛtenkɛ̀ kɛ̀ɛ̀ sokɛ́ dɑ̀mɛ́ɛ̀rì cuokòo.

⁷Fɔ̃́ɔ̃̀ kó muwɛ̃rímú te kɛ̀ yɛtɑ̃rɛ̀ fìíkú. A wɛ̃rímú muù tu ɑ kpɑ̀rìnɛnkù.

⁸Fɔ̃́ɔ̃̀ commu dɑ̀mɛ́ɛ̀rì nɛ̀ o nɛ́fĩ̀nfĩ̀rɛ̀, kɛ commu kutenkù kó kunɑmpoo.

⁹Kutenkù kumɔu yɑ̀ ɑ dɔɔri tìì diɛtì nti kɛ dɑ yɔ̀tɛ, kɛ̀ diyiè yìɛ̀ kɛ̀ɛ̀ bíɛ́kɛ̀ nɛ̀ dì tɑɑ̀ kɛ̀ɛ̀ bíɛ́kɛ̀ kɔbɛ íú mɛdiɛ̀.