Yaburina 48:2-13

²Alatala gbo, a lan a xa matɔxɔ a gbee taani geya sariɲanxin fari.

³Siyon, Alaa geyana, a mate, a tofan, dunuɲa birin sɛwama a fe ra. A mate alo bɔxɔne birin manga taana Manga Gbeen dɔxi dɛnaxan yi.

⁴Ala a yengi sama nɛn a taa makantanxin xɔn, a bata a yɛtɛ findi a kantanmaan na.

⁵Mangane to e malan Siyon yɛngɛ xinla ma,

⁶e yi a to, e kabɛ, e gaxu, e yi e gi.

⁷Xuruxurunna nun kuisanna yi e suxu na, alo ɲaxanla kuiin na keli a ra,

⁸alo kunkibane na kɔntɔfili foye gbeena fe ra.

⁹Ala kabanako feen naxanye ligaxi, nxu bata ne mɛ. Iki, nxu bata ne to Alatala Sɛnbɛn Birin Kanna taani. A na taan nakisima nɛn habadan!

¹⁰Nanara, Ala nxu nxu mirima i ya hinanna ma i Batu Banxini.

¹¹I tan xili kanna tantunma dunuɲa yiren birin yi. I mangayaan ligama tinxinyaan na.

¹²Yamaan xa ɲaxan Siyon geyaan fari, Yuda taa kaane xa sɛwa i ya kitisana fe ra!

¹³Ɛ bilin Siyon ma, ɛ yi a kondene yatɛ.