Yaburina 42:2-9

²Ala, i xɔnla n niin suxuma alo ige xunbenla xɔnla xɛnla suxun kii naxan yi.

³Habadan Ala xɔnla n niin suxuma nɛn alo min xɔnla. N sigama waxatin mundun yi n sa ti Ala yɛtagi?

⁴N wugama kɔɛɛn nun yanyin na. N baloma yɛɛgen nin. N yaxune n maxɔdinma waxatin birin e naxa, “I ya Ala minɛn yi?”

⁵Waxati danguxine fe na rabira n ma, n bɔɲɛn yi kala. Nxu nun yamaan nan yi sigama Alaa banxini, n yi tima e yɛɛ ra, e sɛwaxin sɔnxɔma, e barikan birama Ala xa ɲaxan nin.

⁶Nanfera n niin sɔxɔlɛxi? Nanfera n bɔɲɛn sunuxi? N xa n yigi sa Ala yi. N mɔn a tantunma nɛn. N kisi muxun nun n ma Ala nan a ra.

⁷Koni iki, n niin sɔxɔlɛxi, nanara n na n mirima i ma Yurudɛn bɔxɔni, Xerimon geyane xuntagi, e nun Misari geyaan ma.

⁸Fufaan sama fufaan fari n xili ma, igen xuxu xuiin yi gbo ayi a surundeni. I xunfan gbeene radangu n xun ma, gbalon yi keli n xili ma alo walanna.

⁹Alatala xa a hinanna mayita yanyin na alogo n yi xi bɛtin bɛ a xa kɔɛɛn na. N ma dunuɲa yi gidin Ala nan maxandima.