Yaburina 21:1-10

¹Dawudaa bɛtina, bɛti baane kuntigin xa.

²Alatala, mangan bata sɛwa i fangan na. A sɛwan gbo bayo i bata a rakisi.

³A waxi naxan xɔn, i tinxi na ma. I bata a maxandin yabi.

⁴I bata a rasɛnɛ duba faɲine ra, i mɔn yi xɛma mangaya taxamasenna so a xun na.

⁵A maxɔdinna ti nɛn a siimayana fe ra, i yi sii xunkuyen so a yii, naxan luma habadan.

⁶A binyen bata gbo ayi fata i ya marakisin na. I nɔrɔn nun xunnayerenna fixi nɛn a ma.

⁷I a barakama habadan! I a ralugoma sɛwan na i yɛtagi.

⁸Bayo Mangan yigin saxi Alatala nin, a kantanxi Kore Xɔnna Ala hinanna nan baraka yi.

⁹I tan i yaxune birin suxuma nɛn. Naxanye i raɲaxuxi, i ne suxuma nɛn i fangan na.

¹⁰I na mini kɛnɛnni waxatin naxan yi, i e ɲanma nɛn alo sulun tɛɛna. Alatala xɔlɔxina e halagima nɛn tɛɛn yi e gan.