Sam 21:1-10

¹(Keke kinera te Devita) Ke Zihova, qetuqetu nia sa baṉara sa Mua ṉiniraṉira, sina ele va mataqaria goi meke tava lavata si asa.

²Ele ponia Goi sa nana hiniva pa korapa bulona. Ke lopu heki nia Goi gua sapu tepa ia sa.

³Ele mae vekoi Goi koasa sari na minana taguedi, meke ele va hake nia toropae qolo Goi sa batuna.

⁴Tepaia sa koa Goi sa tinoa, ke poni nia Agoi koasa, sa tinoa gelenaena sapu koa hola ninae rane ka rane.

⁵Mataqara hola si asa koari nana kana, sina va sarea goi. Ele ponia goi koasa sa vina lavata na tinolava.

⁶Ele ponini Goi koasa sari na Mua minana ninae rane, meke va qetuqetua Goi si asa pa kenumu Goi.

⁷Kalavarae sa baṉara koe Zihova sapu Ululu Hola koari doduru, sina koa gua koasa Nana tataru nabuna si koa tava sare si asa doduru totoso.

⁸Kaqu tuqe vagi Goi pa Mua ṉiniraṉira sari doduru Mua kana, kaqu tuqe vagi Goi sari doduru pu kukiti Nigo.

⁹Pana vura mae si Asa si kaqu huruṉu guana nika; meke pa Nana binugoro si sulu va ineti Sa, guana nika sapu gani va upati si arini.

¹⁰Lopu keke koari na tutidi rini si kaqu toa hola; kaqu va mate beto pani Sa sarini.