YƐSÃÃ 21:1-10

¹Bɛ̀ dìèmmɛ̀ Dɑfiti yɛ̀nfɛ̀.

²Ti Yiɛ̀ nKuyie ndɛ̀ nɑɑtimu okpɑ̀ɑ̀tì ɑ mɔkɛ mɛ̀ɛ̀ kpɛ́í mmuwɛ̃rímú, ɑ ò teennɛ̀mu kɛ̀ dɛ kó diwɛ̀ì diɛrì ò bo.

³A ò duɔ́mmu o yɛ̀mmɛ̀ dɔ́ dɛ̀, ɑ í ò yetɛnɛ̀ ò dɑ mɔɔ dɛ̀.

⁴A ɔ̃ɔ̃ ò conɛ̀ mɛsɑ̀ɑ̀ mmɛ, kóò òó mmɛsɔɔ nsɑ̀ɑ̀mɛ̀ kó dipìì

⁵Ò dɑ mɔɔ mufòmmu mmu kɑ̀ɑ mù nhò duɔ́, koò yìɛ́ yɛwe kòo fòmmu òkɛ̀ mɛdiɛ̀.

⁶Fɔ̃́ɔ̃̀ ò dɛɛtɛ́ kòo yètìrì dɛukɛ, fɔ̃́ɔ̃̀ ò dɛ̀úkùnnɛ koò duɔ́ ndisɑ̃nni.

⁷Koò dɔ̀ɔ̀ri mɛsɑ̀ɑ̀ ndiɛmɛ̀ sɑ̃́ɑ̃̀, kòo duɔ̀ ndiwɛ̀ì ɑ borɛ̀.

⁸Okpɑ̀ɑ̀tì duɔ́ nhomɑ́ɑ̀ ndi Kuyie, nɛ̀ Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ ku kó mɛsɑ̀ɑ̀ nkpɛ́í nkɛ ò fìíkúmɛ̀ teii.

⁹Okpɑ̀ɑ̀tì, ɑ yóó nintɛmu ɑ dootitɔbɛ̀, ɑ yóó pĩ́mmú bɛ̀ɛ̀ dɑ níí.

¹⁰A yóó feitɛ́ní dìì yiè kɛ́ bɛ̀ tɑnnɛ́ fɛhɑ̃ɑ̃tofɛ miɛkɛ nkɛ, ti Yiɛ̀ nKuyie mbo bɛ̀ mɑɑnko nɛ̀ kɛmiɛkɛ kɛ̀ bɛ̀ɛ cɔ́útɛ́.