Yaburina 147:2-12

²Alatala mɔn Yerusalɛn tima nɛn. A mɔn fama na muxu suxine ra nɛn Isirayila kaan naxanye bata yi xuya ayi nun.

³A muxune dandan naxanye bɔɲɛye kalaxi. A yi e maxɔlɔdene maxidi.

⁴A tan nan sarene xasabin nagidima, a yi e birin xili sa.

⁵Nxu Marigin gbo, a sɛnbɛn magaxu. A xaxilimayaan dan mi na.

⁶Alatala muxu limaniyaxine malima nɛn. Koni a muxu ɲaxine rabirama nɛn bɔxɔni.

⁷Ɛ barika bira bɛtin ba Alatala xa. Ɛ tantun bɛtin ba en ma Ala xa bɔlɔnna ra.

⁸A tan nan kundani fulunxi kore xɔnna ma. A yi tulen nafa bɔxɔni. A yi sɛxɛn nasoli geyane ma.

⁹A xuruseene balon nagidi e ma. A xɔline dɛge e na e xui ramini a ma waxatin naxan yi.

¹⁰Soo kɛndɛne xa mi a kɛnɛnma. A mi sɛwama muxun sɛnbɛn fan na.

¹¹Koni naxanye gaxuxi Alatala yɛɛ ra, e xaxili tixi a hinanna ra, ne nan a rasɛwama.

¹²Yerusalɛn kaane, ɛ Alatala binya. Siyon kaane, ɛ Ala tantun.