Zebur 147:2-12

²Perwerdigar Yérusalémni bina qilmaqta; Israilning sürgün qilin'ghanlirini U yighip kélidu;

³U köngli sunuqlarni dawalaydu; Ularning yarilirini tangidu.

⁴U yultuzlarning sanini sanaydu; Ularning hemmisige bir-birlep isim qoyidu.  

⁵Ulughdur Rebbimiz, zor qudretliktur; Uning chüshinishi cheksizdur.

⁶Perwerdigar yawash möminlerni yölep kötüridu; Rezillerni yergiche töwen qilidu.

⁷Perwerdigargha teshekkürler bilen naxsha éytinglar; Küylerni chiltargha tengshep éytinglar!

⁸U asmanni bulutlar bilen qaplitidu, Zémin'gha yamghurni békitidu, Taghlarda ot-chöplerni östüridu;

⁹Mallargha ozuq, Tagh qaghisining chüjiliri zarlighanda, ulargha ozuq béridu;

¹⁰At küchidin U zoq almaydu; Ademning chebdes putlirini xursenlik dep bilmeydu;

¹¹Perwerdigar belki Özidin eyminidighanlarni, Özining özgermes muhebbitige ümid baghlighanlarni xursenlik dep bilidu.

¹²Perwerdigarni maxtanglar, i Yérusalém; Xudayingni medhiyile, i Zion.