Yabura 4:1-6

¹Dawuda xa bɛɛti bɛɛtibae xa mangɛ bɛ. A xa ba kɔra xui ra.

²N Marigi Ala tinxinxi, n na n xui rate i ma, yandi a ratin n bɛ. N ma tɔɔrɛ kui, i n bɔɲɛ sama. Hinnɛ n na, n ma dubɛ suxu.

³Adamadie, wo n ma binyɛ masarama yaagi ra han mun tɛmui? Wo birama fe fufafu nun wule fɔxɔ ra han mun tɛmui?

⁴Wo xa a kolon Alatala bara tinxintɔɛ sugandi. N nan n xui rate Alatala ma, a a ramɛma nɛ.

⁵Wo fan xa gaaxu, wo gbilen yunubi fe fɔxɔ ra. Wo wo yɛtɛ rasi kɔɛ ra, wo xa wo raxara.

⁶Wo xa sɛrɛxɛ ba tinxinyi kui, wo xa wo yɛtɛ taxu Alatala ra.