Sam 4:1-6

¹O Moroa, nenu Lentupe ria! Una vaase porang ia do ana sing u. Dola nia aga ekip tangarang mi levenmumuat, nenu ga lok tooro ia. Monga una lox asuusu lebelen tuntun taram tia la una ronga lising tarak.

²Lingisa ba nemi limixin kapmek miba xap ti paase aksaksa ria? Lingisa ba uba xap ti vavara solo ri levempanga xopmen turuturun teren, la ti mumu asu levempanga xaxarang?

³Ketla mina xasep do Leeme Silok ira soxolik ka vam limixin manmanton kusu tin, la ing tonga ia do a toro rin.

⁴Mi guta ke gat lebelemamao na sat arup nimi at laxapmek, la mina ke xepe libilinga. Do minak midi at laraora atnimi, minak midi pilo la minam doma mumu avukat na levelinga.

⁵Minaplavang ti Leeme Silok mi levempanga naba lox epovo at lodoxoma ren, la minat kis la mina nunu saga ren.

⁶Buaang nedi di ngising keretna, “O Leeme Silok, una raba nema mi laxaloklox anarong solo. Una lox asuusu amisik lebelemulus tinama.”