SALMOS 4:1-6

¹Toteco Dios, ta tinechchijtoc nixitlahuac moixpa, Nimitztlajtlanía, xinechnanquili quema nimitznojnotza. Ta tlen nochipa tinechpalehuía quema nitlaijiyohuía, ama sampa xinechtlasojtla huan xijcaqui quema nimomaijtohua.

²Huan Toteco quinanquili: “Intlacame, xijtlacaquilica ya ni: ¿Hasta quema tlamis para noca inpaquise, tlen más quinamiqui nijselis tlatlepanitacayotl? ¿Hasta quema tlamis inquinhueyichihuase tlaixcopincayome tlen ax neli ya Tecojtli? ¿Hasta quema tlamis inmocahuilise ma inmechcajcayahuaca?”

³Intlacame, xijmatica ya ni. TOTECO techiyocatlalijtoc para tiiaxcahuaj nochi tojuanti tlen techcojtoc. Huan yajaya nechtlacaquilía quema nijnojnotza huan nechchihuilía tlen nijtlajtlanía.

⁴Yonque inhuihuipicaj ica cualantli, amo xitlajtlacolchihuaca. Quema inmotectose ipan imotlapech huan ax tleno molinía, ximoyolilhuica tlen eltoc ipan imoyolo.

⁵Xijchihuaca tlen quinequi TOTECO huan ya nopa elis queja inquimacasquíaj se tlacajcahualistli tlen quipactía. Quena, ximotemachica ipan ya.

⁶Miyac quiijtohuaj: “Axaca huelis techpalehuis.” Pero ta tihueli, TOTECO. Titechcualita huan titechtiochihua.