Yabura 49:1-19

¹Kora xa die xa bɛɛti bɛɛtibae xa mangɛ bɛ

²Wo wo tuli mati yi ra, wo tan ɲama birin. Duniɲa ɲama birin, wo wo tuli mati n na.

³Tide xuri kanyi, tide xungbe kanyi, setare a nun se kanyi, wo birin xa wo tuli mati.

⁴N fama wɔyɛnyi hagigɛ nan falade wo bɛ, n bɔɲɛ xaxili fanyi naxan maɲɔxunxi.

⁵N nan n tuli tixi taali ra, n fama na tagi rabade wo bɛ kɔra xui ra.

⁶Munfera n fa gaaxuma gbaloe lɔxɔɛ ya ra, n yaxuie xa fe kobi n nabilinma tɛmui naxɛ?

⁷E laxi e xa bannaya nan na, e nu fa e yɛtɛ matɔxɔ e harige xa gboe ra.

⁸E mu nɔma e bore xunsarade, E mu nɔma e xunsare fide Ala ma.

⁹E nii xunsare xɔrɔxɔ, e mu nɔma a fide abadan.

¹⁰E tan mu faxama? E mu sigama aligiyama?

¹¹Won a toma, lɔnnilae faxama, lɔnnitaree fan faxama nɛ. E fa e harige lu mixi gbɛtɛe yi ra.

¹²Mixi naxee e xilie saxi bɔxie xun ma, e maɲɔxunxi nɛ e xa banxie luma nɛ naa abadan, e xɔnyi mu kanama keli lanfanmae ma, a sa dɔxɔ lanfanma gbɛtɛe ra.

¹³Hali mixi xungbe, a mu buma. A faxama nɛ alɔ subee.

¹⁴Mixi naxee laxi e yɛtɛ ra, e xa kira nan ya. E xui rafan naxee ma, nee birama nɛ e fɔxɔ ra.

¹⁵E aligiyama lima nɛ. Faxɛ e ralɔɛma nɛ. Mixi tinxinxie e maboronma nɛ. E xa tofanyi kanama nɛ. Aligiyama findima nɛ e xɔnyi ra.

¹⁶Kɔnɔ Ala n nii xunsarama nɛ aligiyama, a n xanin. Ɲɛngi rate.

¹⁷Mixi na findi banna ra, a harige na gbo, i naxa gaaxu,

¹⁸barima a mu sese xaninma aligiyama. A harige mu birama a fɔxɔ ra.

¹⁹A ɲɛlɛxinma nɛ a harige ra a xa duniɲɛigiri kui, barima birin a matɔxɔma na xa fe ra,