Yabura 17:2-13

²I xa n ma kiiti bolon, barima naxan tinxin, i na kolon.

³I na n bɔɲɛ mato kɔɛ ra, i na n ma duniɲɛigiri mato yanyi ra, i mu tantanyi yo toma n na. N mu tinma wɔyɛn ɲaaxi xa mini n dɛ i.

⁴Mixi gbɛtɛe fe ɲaaxi rabama, kɔnɔ n tan bara i xa yaamari suxu. N mu birama suutee xa kirae fɔxɔ ra.

⁵N birama i tan nan fɔxɔ ra, n mu na kira bɛɲinma.

⁶Ala, n i xilima nɛ, barima i yaabi fima mixi ma. Yandi, i xa i tuli mati n ma maxandi ra.

⁷I xa hinnɛ muxu ra, i tan naxan mixie rakisima e yaxuie ma, naxee yigiya fenma i ra.

⁸Mɛɛni n ma alɔ i ya firinyie. N nɔxun alɔ tɔxɛyɔrɛ naxan a nɔxunma a nga gabutenyie bun ma.

⁹Na na a toma, mixi ɲaaxi naxee n nabilinxi, e mu nɔma n na.

¹⁰Yɛtɛ igboe nan e ra, e dɛ igbo.

¹¹E bara fa n fɔxɔ ra yakɔsi, e n nabilin, e alako e xa n faxa.

¹²E luxi alɔ yɛtɛ naxan sube fenma, alɔ yɛtɛ kaamɛxie naxee gbataxi sube faxade.

¹³Alatala, keli! N yaxuie gere, i xa nɔ e ra. N natanga mixi ɲaaxie ma i xa santidɛgɛma ra.