GWAY GI IDAWUU’D 17:2-13

²’Peni /e mo tani dhalki mom pem jin yenu p̱u’du’d mo. Dhalki em pini a’di hili jim ’boro’d mo.

³Waḵki/ /e mini pala dum pem mo, dhali waḵki/ /e mini yayu/ mmobuṯi aha/ mon’thiny mo, dhali waḵki/ /e mini nyo/ aha/ mo tani /e mini diki gam tonthusa kamu/ e aha/ mo. ’Twam pem diki dhaŋ gwo mo.

⁴Me’d mii gun miina ’kwani mo tani ki gwo gi ’twam pini mo tani aha/ gaskina mo ’peni bway gi uni kun bujurkina bujur mo.

⁵Ŋaṯgin pem ṯelki sho’k mo e bway tur pini mo, sho’k pem diki yeres mo.

⁶Aha/ yuḵkina /e mo haali/ /e mini thoḵ aha/ ’twa/ mo, ayy Arumgimis. Kari /e ’cem pini gom aha/ mo, ciḵi /e gwom pem mo ma.

⁷Ṯori monṯel sho’k gi mo/en pini ki jaro/ jaro/ mo, ayy amanwoṯẖ gi uni gwansan kun simmki mo jin huru jwa e mo ’peni uni kun ta ’kup̱ gi uni ki me’da bim poros pini mo.

⁸Kari aha/ me’da pinya/ e e mo. Bagi aha/ eya la ma bim pini mo,

⁹’peni uni kun ta thus kun dilki aha/ to mo, kun ta ’kup̱ pem kun shi/in ki shiŋ gana/ mo kun ’kamki aha/ mo.

¹⁰Uni mu’thkina dum buni ’peni bwa jin hilu ki e ma ’thime/ mo. Dhali ki ’twam buni mo tani uni oki gwo ki ’ba/ kun dhuna uni ki ca mo.

¹¹Uni thuḵki aha/ ki ’the’b ’the’b mo, dhali shwane/ uni ’kamki aha/ mo. Uni dhuki em buni mo mmo’tuḵ aha/ ka ’cesh mo.

¹²Uni wana e ka dhop̱ jin gananki ’ba/ mo mmodher to bwa ka gwap̱i/ mo, me’d ari dhuru’c ma dhop̱ jin wup̱ki’da ’cesh mmobag mo.

¹³Cuyi mis mo, ayy Tap̱a, jemi uni ’kup̱ mo, dhali p̱iyi uni e mo. Dhali ’cuḵi mondiki/em pem ’peni uni kun ta thus ki thus ki gandal pini mo,