Y Salmo Sija 17:2-13

²Polo y menamo nae ya ujuyong y sentensiajo: lie ni y atadogmo y tininas.

³Jago guinin chumague y corasonjo; guinin unbisitayo gui puenge; guinin unchagueyo ya taya sinedamo: y jinasoco na ti manisagüe y pachotto.

⁴Para y finatinas y taotao, pot y finijo ni guinin y labiosmo, jumantiene yo gui san juyong y chalan ni y manyuyulang.

⁵Y pinecatto guiniut gui chalanmo, ya y adengjo ti susulong.

⁶Jagasja juagang jao, sa jago unope yo, O Yuus: naegueng guiya guajo y talangamo, ya jungog y sinanganjo.

⁷Fanue ni y minaasemo ni namanman, jago na unnalibre y umangoco sija guiya jago, guinin y ayosija ni mangajulo contra y agapa na canaemo.

⁸Adaje yo, taegüije y atilong y niñon mata, naatog yo gui papa y anineng papamo,

⁹Y menan y manaelaye ni y jumojoño yo: y gostaelaye y enimigujo ni majijujute yo.

¹⁰Manmaafuyot ni y linedoñija: ya y pachotñija cumuecuentos sobetbio.

¹¹Y pinecatmame nae maoriyayejam pago: japolo y atadogñija para ujayutejam gui tano.

¹²Taegüije y león ni y gosmalago ni y naña: ya y león diquique ni y gaegue gui saga na umaalog.

¹³Cajulo, O Jeova, polo jao gui menaña, yute papa: libre y antijo gui manaelaye nu y espadamo.