Yontu 17:2-13

²Nyɑɑ teesinɑ mɑ tɔm. Mpi tɔ, n təŋəɣɩ tɑmpɑnɑ kɛ pə tɑɑ kɛ́.

³Ye n kɔmɑ mɑ kiŋ kɛ ɑhoo nɑ ń wiili too mɑ lotu tɑɑ, n kɑɑ nɑ ɩsɑɣɑtʋ. Mɑ tɑɑ tɔm nɑ mɑ kʋyɔɣɔtʋtʋ kɛ́ kʋlʋm kɛ́.

⁴Nyɑ́ kʋyɔɣɔtʋtʋ kɛ mɑ tɔkɑ mɑ lɑkɑsɩ tɑɑ, mɑ tɑ təŋ mʋsʋŋtʋnɑɑ mpɑɑʋ.

⁵Nyɑ́ nyəŋkʋ kɛ mɑ nyɔɔnɑɑ, mɑɑ hɛləɣɩ.

⁶Hɑɩ, Ɩsɔ, nyɑɣɑ mɑ yɑɑkɩ. Mpi tɔ, n nɩɩkɩ. Ke ŋkpɑŋʋɣʋ nɑ mɑ tɔɔ nɑ ń nɩɩ mɑ kʋyɔɣɔtʋtʋ.

⁷Wɑtɩ-m nyɑ́ kʋpɑntʋ. Nyɑ́ wɑɑsəɣənɑ mpɑ pɑ tʋɣʋ-ŋ kpʋlʋɣʋ tɔɣɔ pɑ kolontunɑɑ niŋ tɑɑ.

⁸Kenti mɑ tɔɔ ɩsɩɩ ɩsəlɛ tɑɑ pəyɑɣɑ. Nɑ ń ŋmɛsɩ-m nyɑ́ keŋ tɛɛ.

⁹Kɛ mɑ kolontunɑɑ ɑsɑɣɑɑ ŋmɑkəllɑɑ mpɑ pɑ tɑmɑ-m tɔ pɑ tɔɔ.

¹⁰Pɑ fɛɩnɑ pətɔɔtəlɛ, pɑ yɔɣɔtəɣɩ kɑlɑmpɑɑnɩ tɔm.

¹¹Pɑ tɑmɑ-m kɛ́ nɑ pɑ́ wɛ mɑ wɑɑlɩ təkpɑm, nɑ pɑ́ feŋiɣi sɩ pɑ́ pɛtɩ-m ɑtɛ.

¹²Ɩsɩɩ tɔɣɔlɑsɩ cɛŋʋɣʋ sɩ sɩ cələɣɩ sɩ tɔɣɔnɑɣɑ tɔ.

¹³Tɑcɑɑ kʋlɩ pɑ tɔɔ nɑ ń pəsɩ-wɛɣɛ kpɛntəlɑsɩ. Yɑ-m ɩsɑɣɑtʋ niŋ tɑɑ nɑ nyɑ́ lɑɣɑtɛ.