Yabura 143:1-10

¹Dawuda xa bɛɛti Alatala, i tuli mati n ma maxandi ra, i xa kinikini n wa xui ma. I xa n ma duba suxu i xa dugutɛgɛɲa nun i xa tinxinyi xa fe ra.

²I naxa i xa konyi makiiti, barima daali yo mu tinxin i ya i.

³N yaxui birama nɛ n fɔxɔ ra, a n boronma nɛ bɔxi ma, a n luma nɛ faxɛ niini bun ma alɔ faxamixie.

⁴Na kui n xaxili bara ifu. Limaniya bara ba n yi.

⁵N natuma nɛ lɔxɔɛ dangixie ma, n na n xaxili rasigama i xa wali birin ma, n na n ɲɔxɔ rasiga i xa daalie ma.

⁶N na n bɛlɛxɛ italama nɛ i bɛ, n nii i fenma nɛ alɔ gbengberenyi ye fenma ki naxɛ. Ɲɛngi rate.

⁷Alatala, yandi, i xulun n yaabife ra. Limaniya bara gɛ bade n yi ra. I naxa i kobe raso n na, xa na mu n luma nɛ alɔ faxamixie.

⁸Kuye na iba, i xa i xa dugutɛgɛɲa masen n bɛ, barima n xaxili tixi i tan nan na. N ɲɛrɛ kira masen n bɛ, barima n xaxili tixi i tan nan na.

⁹Alatala, n natanga n yaxuie ma, barima n kantari sɔtɔma i niini nan bun ma.

¹⁰N xaran i waxɔnfe rabafe ra, barima i tan nan na n Marigi Ala ra. I Xaxili Sɛniyɛnxi xa n ti kira fanyi xɔn ma.