Miti Mânec 143:1-10

¹O Wofuŋ, go nunumu‐nane manac, wâwâsic‐nanere hazec râec! Jauŋ fârigere sâcko micnaneo roc, erâ tiŋnegere sâcko.

²Kiŋaŋŋicge nohec dâŋgie mi bac, ŋic jujune moczi maigao bahacmâc mi jukac.

³Jei, râsizi maŋ qâqâtâc‐nanere wosaŋeŋ bakac, juju‐nane qâfieme mâreŋko waha qakac, dapâcko râecnume esecne hâmombiŋ jaŋere sâc ekopac.

⁴Irec maŋnane gâckeme bu ʒaʒamaŋ‐nane fâuckezo ekac.

⁵No dameŋ raŋɋanere manasukopac, gie bameŋ i maŋzi honehuc ŋekopac, wiac ebac emeŋ irec manatâc qâtâc ekopac.

⁶No menane goraopec sicnekopac, maŋ qâqâtâc‐nanezi gore ecnekac, i mâreŋ hahaŋkekicnezi opâre hâmoekac irec sâc.

⁷O Wofuŋ, go micnaneo biac rozemec, maŋnane omaekac! Ʒâŋe maige mi bâsoŋke‐narec, nombâŋko hueŋgopieŋ jaŋe iŋucne ezipore.

⁸No gorao roweckekopacte furictea aki anonocge nowatuzemec. Hata jupemurâ mukic i qazu‐narezemec; maŋnane gorao sâsepe hefakac.

⁹O Wofuŋ, râsifâc‐nane jaŋere meonec bataracnuc; no gore dapeŋko soŋkekopac.

¹⁰Go nore Anutu jukicte gore micrereŋ qazu‐narec; Mâro biaŋgezi hata wâwâneŋko jowacnuzejec.