يَبُرَ 143:1-10

¹دَوُدَ شَ بّيتِ عَلَتَلَ، عِ تُلِ مَتِ ﭑ مَ مَشَندِ رَ، عِ شَ كِنِكِنِ ﭑ وَ شُي مَ. عِ شَ ﭑ مَ دُبَ سُشُ عِ شَ دُفُتّفّحَ نُن عِ شَ تِنشِنيِ شَ قٍ رَ.

²عِ نَشَ عِ شَ كٌنيِ مَكِيتِ، بَرِ مَ دَالِ يٌ مُ تِنشِن عِ يَ عِ.

³ﭑ يَشُي بِرَ مَ نّ ﭑ قْشْ رَ، عَ ﭑ بٌرٌنمَ نّ بْشِ مَ، عَ ﭑ لُمَ نّ قَشّ نِينِ بُن مَ عَلْ قَشَمِشِيٍ.

⁴نَ كُي ﭑ شَشِلِ بَرَ عِقُ. لِمَنِيَ بَرَ بَ ﭑ يِ.

⁵ﭑ نَتُمَ نّ لْشْي دَنفِشِيٍ مَ، ﭑ نَ ﭑ شَشِلِ رَ سِفَمَ عِ شَ وَلِ بِرِن مَ، ﭑ نَ ﭑ حْشْ رَ سِفَ عِ شَ دَالِيٍ مَ.

⁶ﭑ نَ ﭑ بّلّشّ عِتَلَمَ نّ عِ بّ، ﭑ نِي عِ قٍنمَ نّ عَلْ فبٍنفبٍرٍنيِ يٍ قٍنمَ كِ نَشّ. حّنفِ رَتٍ.

⁷عَلَتَلَ، يَندِ، عِ شُلُن ﭑ يَابِقٍ رَ. لِمَنِيَ بَرَ فّ بَدٍ ﭑ يِ رَ. عِ نَشَ عِ كٌبٍ رَ سٌ ﭑ نَ، شَ نَ مُ ﭑ لُمَ نّ عَلْ قَشَمِشِيٍ.

⁸كُيٍ نَ عِبَ، عِ شَ عِ شَ دُفُتّفّحَ مَسٍن ﭑ بّ، بَرِ مَ ﭑ شَشِلِ تِشِ عِ تَن نَن نَ. ﭑ حّرّ كِرَ مَسٍن ﭑ بّ، بَرِ مَ ﭑ شَشِلِ تِشِ عِ تَن نَن نَ.

⁹عَلَتَلَ، ﭑ نَتَنفَ ﭑ يَشُييٍ مَ، بَرِ مَ ﭑ كَنتَرِ سْتْمَ عِ نِينِ نَن بُن مَ.

¹⁰ﭑ شَرَن عِ وَشْنقٍ رَبَقٍ رَ، بَرِ مَ عِ تَن نَن نَ ﭑ مَرِفِ عَلَ رَ. عِ شَشِلِ سّنِيّنشِ شَ ﭑ تِ كِرَ قَنيِ شْن مَ.