Y Salmo Sija 86:2-13

²Adaje y antijo; sa debotoyo: O jago ni y Yuusso, nalibre y tentagomo sa jaangoco gue guiya jago.

³Gaease nu guajo, O Jeova: sa juaagang jao todot dia.

⁴Namagof y anten y tentagomo; sa iya jago, O Jeova, nae jujatsa julo y antijo.

⁵Sa jago, Jeova, y mauleg yan y chadig manasie; yan dangculo y minaasemo güije todo gui umaagangjao.

⁶Jungog, O Señot y tinayuyutto: yan ecungog y inagang y guinagagaojo.

⁷Sa y jaanen y chinatsagaco juagangjao: ya jago y unopeyo.

⁸Sa y entalo y yuus sija, taya taegüenao iya jago, O Jeova; ni jafa na chocho parejo yan y chechomo.

⁹Todo y nasion sija ni y finatinasmo, manmato y manmanadora gui menamo, O Jeova; yan ufanalaba y naanmo.

¹⁰Sa jago dangculojao yan unfatitinas y manmaman na güinaja: jagoja na maesa Yuus.

¹¹Fanagüeyo ni y chalanmo, O Señot: ya bae jufamocat gui minagajetmo: ya naetnon y jinason corasonjo para umaañao ni y naanmo.

¹²Sa bae jualaba jao, O Jeova, Yuusso, contodo y corasonjo: yan junamalag y naanmo para taejinecog.

¹³Sa sendangculo y minaasemo para guajo; sa guinin unnalibre y antijo guinin iya papapa guiya sasalaguan.