La Bu 86:2-13

²Pakai nanga dinga kiphaldoh jing kahi neihuhdoh’in ajeh chu nangma hi ka Pathen nahin keima hi nakinbol kahin chuleh nangma hi katansan jingin ahi.

³Vo Pakai nami khotona neimusah jingin ajeh chu keiman Nangmahi kakoujing nahi.

⁴Vo Pakai kipana neimusah jingin ajehchukeimahi Nangkoma kiphaldoh jing kahi.

⁵Vo Pakai nangma hi naphatna jalla eingaidam jing nahi, nakomma panpi ngaichaho dinga longlou ngailutna dimsah nahi.

⁶Vo Pakai kataonahi khotonan neingaipeh’in gangtah a kap kahi neingaipehin.

⁷Kahahsatchannanangma kakouding ahin nangin neidonbut

⁸Vo Pathen! semthu pathen ho nang tobang khatcha aumpoi, naboltheiho bolthei jong aumpoi.

⁹Nasemsa chitin namtin ho jongna ang a hungdiu chibai naboh chehdiu ahi Pakai; amahon na minthengavahchoi diu ahi.

¹⁰Ajeh chu nangma bou Pathennahin naloupin nangin bou thilloupiho naboldoh jin ahi.

¹¹Vo Pakai, na lampiho neihil in, nathudih dung jui a hinkho kamantheina dingin, nangma loupinakadopsang jingna dingin lungtheng neipen.

¹²Voka Pakaika Pathen kalungthim pumpin nangma nathangvah ingkate, phattin’in naloupina domsang jing tange.

¹³Ajeh chu nei ngailut na hiakidange. Nangman thina kulkhuha kon in nei huhdoh tai