Tingtoeng 86:2-13

²Kai tah ka cim dongah ka hinglu he hang ngaithuen dae. Ka Pathen namah dongah ka pangtung vanbangla namah loh na sal he n'khang dae.

³Ka Boeipa nang te hnin takuem kang khue coeng dongah kai he n'rhen lah.

⁴Ka Boeipa nang taengah ka hinglu neh ka dangrhoek coeng dongah na sal kah hinglu he kohoe sak lah.

⁵Ka Boeipa tah na then tih na kamyawm dongah ni, nang aka khue boeih taengah sitlohnah a yet.

⁶BOEIPA aw, ka thangthuinah he hnatun lamtah ka huithuinah ol he hnatung lah.

⁷Kai nan doo ham ni ka citcai hnin ah nang kang khue.

⁸Pathen rhoek khuiah ka Boeipa namah bang he om pawt tih namah kah bibi bang khaw om pawh.

⁹Na saii namtom boeih te halo uh vetih ka Boeipa namah mikhmuh ah bakop uh ni. Te vaengah na ming te a thangpom uh ni.

¹⁰Namah te na tanglue coeng dongah khobaerhambae aka saii khaw Pathen namah bueng ni na om.

¹¹BOEIPA aw na longpuei te kai n'thuinuet lamtah na oltak dongah ka pongpa lah eh. Na ming rhih ham ka thinko saicin sak lah.

¹²Ka Boeipa ka Pathen namah te ka thinko boeih neh kan uem vetih kumhal duela na ming ka thangpom ni.

¹³Na sitlohnah loh kai ham len tih saelkhui hmui lamkah ka hinglu na huul.