Yɛbəc 3:15-25

¹⁵Nənadif wəkiriŋ wəka doru, mba Kanu kəyekti kɔ afi dacɔ. Sən’ ɔyɔnɛ atəŋnɛ aka ti.

¹⁶Anasɔŋ fənɔntər fum wəkawɛ nəŋgbətnɛ kɔ nəŋcərɛ mɔ. Kəlaŋ kɔn Yesu gbəcərəm kəsɔŋ fum wəkawɛ fənɔntər. Kəlaŋ kɔn, kəlaŋ Yesu yati kəsɔŋ kɔ kətamnɛ keŋ fəp fɔr yonu kiriŋ.

¹⁷Ndɛkəl oŋ, awɛŋc im aŋa, iŋcərɛ a kətɔ-cərɛ konu kənasɔŋɛ nu kəyɔ tatɔkɔ, nəna kɔ abɛ anu.

¹⁸Kanu kənalas tɔkɔ kənanuŋkɛnɛ kəlokɛ cusu ca sayibɛ-e ɔn fəp mɔ: A pənamar dis dɔlɔl Krist, wəyɛk-yɛk kɔn.

¹⁹Nəsəkpər bəkəc yonu, nəluksərnɛ ntɛ tɔŋsɔŋɛ paŋaŋnɛnɛ kiciya konu mɔ;

²⁰ntɛ tɔŋsɔŋɛ Wəbɛ Kanu pəkɛrɛ tɛm ta kəŋesəm, pəkɛrɛ nu sɔ Wəyɛk-yɛk kɔn, Yesu, nwɛ ananuŋkɛnɛ kəcam nu mɔ.

²¹Nkɔn kɔm kəntɔmpər haŋ tɛm ntɛ mes mmɛ Kanu kənalokɛ tɛm tobol-bolu cusu ca sayibɛ ɔn səcempi mɔ mɛlarɛ.

²²Aŋnabi Musa ɛnaloku: ‹Wəbɛ, Kanu konu, endekɛrɛ nu sayibɛ pəmɔ ina. Fum wəkin wəka awɛŋc anu dacɔ endeyi, nəde nəcəŋkəl moloku mamɔkɔ ende pəc-loku nu mɔ fəp.

²³Nwɛ o nwɛ ɔntɔdecəŋkəl wədəŋk wəkakɔ mɔ, andeləsər kɔ. Endeməlkɛ afum a Kanu dacɔ.›

²⁴Sayibɛ-e fəp kəyɛfɛ aŋnabi Samiyɛl haŋ aŋɛ ŋanacɔŋc kɔ mɔ, ŋanaloku teta mataka mamɔkɔ, kɔ ŋaŋdəŋk mi.

²⁵Nəna, awut a sayibɛ-e ŋɔ nəyɔnɛ, kɔ nəyɔnɛ sɔ awut a temer tɔkɔ Kanu kənacaŋəs kɔ atem anu mɔ, kəc-loku Abraham: ‹Afum a doru fəp ŋandesɔtɔ kəpocɛ kətɔt kem teta kəbənda ka dokom dam.›