Waiwia 28:3-12

³Pauluj lao wajai tui pena o kidi on nani iai, jerpent men ap lujadar jan nani iai pweki karakar o ten on ni lim a.

⁴A men liki ko lao udial man o a teneten ni lim a, re ap kajokajoi nan pun arail: Melel aramaj men et me kamelar aramaj, a piti janer nan madau, ap rialar.

⁵I ari jipede won man o nani iai o jota mejued kot lel on i.

⁶Irail majamajan, ma a jota pan umpojada de pupedi matala, a re lao majamajan warai o kilan, me a jo juedi on, re wukidalar ar lamelam o katitiki, me dene kot amen.

⁷Jaupeidi en dake o, me maraneki Pupliuj, kin japaneki waja o, kajamo o apapwali kit ran jilu.

⁸A jam en Pupliuj wononeki jomau karakar o jomau nta. I me Pauluj koti don re a kapakapaki, pwil lim a kan po a, kakeladar i.

⁹Men en lao wiauier, karoj me jomau nin dake, ap kodo kakelailadar.

¹⁰O re pil kaka kin kit kaualap. Kit lao majeldar, irail ari kidan pon jop o at kapinwar kajampwal.

¹¹A murin jaunipon jilu je ian jop en Alekjandrien pot, me mimi ni dake o ni anjaun kapau, me kilel en mpor.

¹²A je keredi Jerakuj o kairu waja o pon jili pon.