Jesu tondiba tuona 28:3-12

³Polo den wodi ti dabidi ki baa tieni mi fantama nni. Ku fantanwuligu den tuogi li waalabili ke li ani ti daadi nni ki joani Polo nuu.

⁴Laa dogu yaaba n den la ke li juani Polo nuu yeni, bi den yedi biyaba: Moamoani o naa joa baa tie nikpale. Baa ke o ciadi mi incianma nni, U Tienu teginma naa cedi o wan yaa ye.

⁵Ama Polo den cia o nuu ke o wa baa mi fantama nni ke liba kuli ki tieni Polo.

⁶Yaaba n ye likani den gu ki tama ke o nuu baa moali, yaaka ke o baa baa ki kpe lanyogunu. Ama ban den guudi ki sua ke liba kuli ki tieni o, bi den lebidi bi yantiali ki yedi ke o baa tie buloba yo.

⁷Li kpendegili yudaano den yi Pupiliyusa. O diegu den kuu leni tin ye naankani. O den cua ki biali ti ki gedini ti o denpo ki ga ti cangu hali dana taa leni ki nunmanga.

⁸Li den sua ke o baa dua ke o gbannadi beni ke o go pia puhaankaaga. Polo den gedi o kani ki maani opo o nii ki jaandi ki paagi o.

⁹Lani yaa po li kpendegili yaaba, yaaba n yia kuli den cua o kani ke o paagi ba.

¹⁰Bi den jigini ti bonhanla. Tin baa fii yaa yogunu, bi den puni ti tin luo yaala kuli.

¹¹Li den sua ke inbiatoagu ani Alisandile ki pundi tin ye ya kpendegili hali ke u faalu daa fii ya yogunu, ki sedi ki gu hali ke u faalu yogunu n pendi. Bi den yi gu Diyosikuli. Tin den tieni hmaali taa likani, ti den kua gu niinni ki fii.

¹²Ti den duodi ki pundi Silakusa dogu, ti den tieni likani dana taa.