Waiwia 2

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹RAN en pentikoj lao leler, irail karoj kot pena waja ta kij.

²A madan nil laud eu likamata nil en melimel peidido jan nanlan o kadirela im o waja, re kot pena ia.

³A lo jiraneran akai likamata kijiniai pwarado jokedi pon amen amen.

⁴Irail karoj ap dire kila Nen jaraui ap pikikidi padaki wei ni lokaia toror, duen Nen kotin kamajan irail ada.

⁵Men Juj, ol lelapok ko jan nan wei karoj pan lan kaikairu Ierujalem.

⁶Irail lao roner duen mepukat karoj, ap pokon penaer o puriamui kila, aki amen amen roner udan a lokaia.

⁷Irail karoj poneponeki o puriamuiki indada: Kilan, kaidin mepukat karoj men Kaliläa, me kin padapadak?

⁸A daduen, kit kin ron irail amen amen ni udan nil atail?

⁹Men Partien, men Medien, men Elam, o toun Mejopotamien, o Iudäa, o Kapadojien, o Pontuj, o Ajien,

¹⁰O Prikien, o Pampilien, o Äkipten, o liman Lipien; jalon Kirene, o men Rom, me mi waja et, karoj Juj oko o Projelit oko,

¹¹Men Kreta o men Arapien, iaduen kitail kin ron kin irail udan nil atail ar katitiki manaman en Kot akan?

¹²Irail karoj ari pinidar o ponepondar, indada nan pun arail: Dakot met?

¹³Akai lalaue indada: Irail dire kila wain kap.

¹⁴A Petruj ianaki ekamen oko ap kotida, kapitie laudeda majani on irail: Ol en Iudäa kan o komail karoj, me kaujon Ierujalem, komail en aja duen met, o komail ron maj ai padak!

¹⁵Pwe mepukat kaidin jakaular, duen omail kiki on, pwe apton auer kajilu en ran wet;

¹⁶Pwe iei mepukat, me lolok ren jaukop Ioel:

¹⁷Kot kotin majanier: Ieteten me pan wiaui ni imwilan ran akan: I pan kamoredi Nen i pon uduk karoj. Noumail ol o li akan ap pan deideikop, o noumail manakap akan pan kilekilan kaudial akan, o noumail di ma kan pan auramenda;

¹⁸A ni ran oko I pil pan kamoredi Nen i pon ai ladu o lidu kan, rap pan deideikop.

¹⁹O I pan kapwareda manaman akai nanlan pali poa, o kilel akai nin jappa pali pa: Nta, o kijiniai, o adiniai;

²⁰A katipin pan wukila rotorotala, a jaunipon pan wiala nta mon ran lapalap o linan en Kaun o pan pwarado.

²¹O a pan wiaui ma meamen likwir on mar en Kaun o, a pan dorela.

²²Ari ol en Ijrael, komail ron kajoi pot et: Iejuj men Najaret Ol amen, me Kot kotin kilele kidar nan pun omail dodok kelail akan o manaman akan, o kilel akan, me Kot kotin wiaki i nan pun omail, duen me komail pein aja;

²³I lao panalar duen kupur en Kot erpit, komail ap jaikikidi pa en me japun kan, ap pajuredi on ni lopu o kamatalar.

²⁴I me Kot kotin kaiajadar, ni a kotin lapwada jal en a matala, pwe a jota kak on, en kolekol i.

²⁵Pwe Dawid majanier duen i: I ninar Kaun o potopot mo i; pwe a kotikot ni pali maun i, pwe i ender mokid.

²⁶I me monion i peren kida, o lo i popoleki; pil uduk ai pan kamoledi ni kaporopor.

²⁷Pwe re jota pan kotin likidmaliela nen i nan wajan mela pil jota kotin mueid on, me japwilim ar Jaraui o pan mor pajan.

²⁸Re kotin kajanjale on ia er al en maur akan; re pan kotin kadir kin ia la popol mon jilan ar.

²⁹Ri ai kan mueid on ia, en aima padaki on komail duen jam atail Dawid, me pil matalar o jaredier, o japwilim a joujou mi re atail lao lel ran wet.

³⁰A jaukop amen, ap mani, me Kot kotin kaula inauki on i, me kijan wa men pan kaipokedi pon mol a.

³¹Ari, ni a mamani duen en Iejuj a iajada, ap kotin majani, me a jota likidmalielar nan wajan mela, o pil uduk a jota mor pajan.

³²I Iejuj, me Kot kotin kaiajadar, kit karoj jaunkadede en mepukat.

³³A lao japwilekidar pali maun en Kot, a kotin aleer jan ren Jam, en kapwaiada inau duen Nen jaraui, ap kotin kamoredi, me komail kin udial o roneron.

³⁴Pwe kaidin Dawid, me kotidala nanlan kan, a pein i kotin majani: Kaun o kotin majani on ai Kaun: Mondi ni pali maun i!

³⁵I lao wiaki om imwintiti utipan nä om akan.

³⁶Ari, men Ijrael karoj en aja melel, me Kot kotin kajapwilada i, en Kaun o Krijtuj i Iejuj me komail kalopuelar.

³⁷Irail lao ronadar met, ap lel on nan monion arail, re ap indai on Petruj o wanporon tei kan: Ri at oko, da me jen wiada?

³⁸Petruj ap majani on irail: Komail kalula, o amen amen en paptaij on ni mar en Iejuj Krijtuj, pwe dip omail akan en lapwada. A komail pan tunole Nen jaraui.

³⁹Pwe nan inau wet on komail o noumail jeri kan, o on irail karoj men ilawei, me Kaun, atail Kot, pan kotin molipe.

⁴⁰O pil jon en majan toto, me a kadede on irail, o panaui kin irail, majani: Komail en dorela pein komail jan nan di jued wet!

⁴¹Irail me duki on a majan ap paptaijela; ari, ni ran o aramaj impan jilekid me jaulanalar.

⁴²Irail dadaurata padak en wanporon akan, o ar minimin pena, o kamadip jaraui, o kapakap akan.

⁴³Lomwi ap kipadi aramaj karoj o manaman o kilel akan toto wiauier ren wanporon akan.

⁴⁴O karoj me pojonla, kin pokopokon o aneki pena kapwa takij.

⁴⁵O netikila ar kapwa kan o nene on irail karoj, duen ar jamama amen amen.

⁴⁶Irail ari kaukaule wia minimin eu nan im en kaudok o, o pilitiki pena prot nan im ar akan, o re manamana ni popol, o lolepot pena,

⁴⁷Kapikapina Kot o konekon ren aramaj karoj. A Kaun o kotiki on momodijou, me dorela kan ni ran karoj.