Turlku 146:1-7

¹Mama Kuurrnga-rna marninypungama. Kurrurntutarrartu-rna Mama Kuurrnga marninypungama.

²Turlku yinkarra-rna Mama Kuurrnga marninypungama. Marninypungkulayilku-rna ma-mirrirriku.

³Kulilku-kurlu-yan mula-mularriku wati-ya puurrpa nyinarranyangka. Wanti-ya. Tjiinyanta-ya yarnangulu wankalkitjamunu.

⁴Tjiinya-ya mirrirringkulalpi marlaku mantarriku. Nyangka ngarnmanymara-ya watjaranytjanya yutirrikitjamunu.

⁵Mama Kuurrnga tjiinya Tjayikapalu pupakatirra marninypungkulanytja, palunyalu-lanya yirringkankupayi tjiinya-lan mula-mularringkula kuliranyangka. Nyangka palunyalanguru-la walykumunu nyinama.

⁶Mama Kuurrtu manta yilkari puru kapi purlkanyatarrartu palyarnu, puru kutjupa-kutjupa mantangkatja yilkaringkatja kapingkatjatarrartu nyinarranytjanya. Palunyalu watjarnu wantitjatjanulu tjukarurrulu palyalpayi.

⁷Mama Kuurrtu-tjananya yarnangu mungutja pirni yirringkankupayi kutjupalu-tjananya kurrara kanyiranyangka. Palunyalu nungkumunu pirniku mirrka nintilpayi. Mama Kuurrtu tjayilpangka nyinarranytjanya walatjunkupayi.