Salmo 146:1-7

¹Madaydayaw din Apo! “Daydayawem sisya,” kanak sin awak ko.

²Daydayawek sisya sin kansiyon ko engganas tongpal biyag ko.

³Baken koman tuturay isnan daga di pantalkan yo, tan magay bael di owat ipogaw ay mangisalakan en dakayo.

⁴Mo matey da et mantaoli da sin tapok ay napoan da, say mapap-engan di amin ay plano da.

⁵Nagasat din ipogaw tet-ewa ay din Diyos ay dinaydayaw Jacob di pantalkana ya say pannamnamaana si Yahweh ay Diyos na.

⁶Si Diyos ay namarsua ed langit ya isnan daga, sin baybay ya amin ay wada en daida, kanayon ay tongpalena din kari na.

⁷Sisya di mangiosay si kalintegan di mapalpaligat, din kanen di mandagaang yan sisya di mangidawat. Din balod et wayawayaana,