Psalms 146:1-7

¹Ngan pining e sorok ngak SOMOL! Lanin’ug, mu pining e sorok ngak SOMOL!

²Bay u gu pining e sorok ngak u n’umngin nap’an ni gu be par ni gub fos; Bay u gu tangnag e Got rog u n’umngin nap’an e yafos rog.

³Dabi pagan’med ngak e pi tolang ni bogi girdi’; dariy ba girdi’ nrayag ni ayuwegmed.

⁴Nap’an ni yad ra yim’, miyad sul ko ab; rofen nem e gubin e tin ur tanom niged e ra mus.

⁵Ba falan’ e pi’in bay e Got rok Jakob rorad ni be aywegrad, ma yad ma toer ngak SOMOL ni Got rorad,

⁶ni ir e sunumiy lanelang, nge fayleng, nge day, nge urngin e tin bay riy. Gubin ngiyal’ nma tay e tin ke micheg nga tagil’;

⁷mma turguy e tin bmat’aw ni fan ngak e pi’in yibe gafgow nagrad mma pi’ e ggan ngak e pi’in karm’ad ko bilig. I SOMOL e ir e pag e pi kalbus