Tinata Valavalar 8:8-17

⁸A lavur tinata na ngiegu dia takodo; Pa ta tinata i gegagege ma pa ta tinata i rara tana.

⁹Dia kapa pire ra matotono, Ma nina i nuk tadav ra kabinana i mulaot ba dia takodo.

¹⁰Avat a vatur vake kaugu varvateten, ma koko ra mani. Ra kabinana, ma koko ra goled i ngatngat;

¹¹Tago ra kabinana i ngatngat ta dir ma ra kiau na kalagi, Ma ra lavur magit ba da kaina upi diat pa dia varogop me.

¹²Iau ra kabinana, iau tar la ta ra mangamangana kabatau, Ma iau nuk tadav ra minatoto di pait ra umana kalamana magit me.

¹³A variru tadav ra Luluai i milikuane ra kaina; Iau milikuane tuna ra kolakolo na ninunuk, ma ra ninguk, Ra bilak na mangamangana, ma ra tinata i gegagege.

¹⁴A varvateten i vuna tagu, ma tagu di pait ot pa ra magit, Iau tar matoto, ma ra niongor i ki tagu.

¹⁵Iau vuna tago ra umana king dia varkurai, Ma ra umana luluai dia tul tar ra umana takodo na vartuluai;

¹⁶Iau ra vuna tago ra umana luluai na gunan dia varkurai, Ma ra umana ngalangala, ma ra umana tena varkurai par ta ra. rakarakan a gunagunan.

¹⁷Iau mari diat dia mari iau, Ma diat dia ongor ma ra tinikan upi iau diat a na tadav iau.