Tinata Valavalar 8:18-27

¹⁸A kini na uviana ma ra pite varpa dir ki piragu, A tabarikik ba pa na panie ma ra mangamangana takodo.

¹⁹A vuaigu i boina ta dir ma ra goled, a goled i ngatngat, Ma kaugu tinavua i lia ta dir ma ra silva i kat tuna.

²⁰Iau vanavana ta ra nga na mangamangana takodo, Ta ra pal a nga na takodo na varkurai,

²¹Upi ina vakale diat dia mainge iau ma ra tabarikik, Ma upi ina vabuka kadia umana pal na vuvuvung.

²²A Luluai i ga vaki iau ta ra vunapaina iat, Ba pa i ga pait boko kana lavur papalum ania tana.

²³Di tar vatur iau pa ania iat, papa ra vunapaina, Ba pa di ga pait vaarike boko ra rakarakan a gunagunan.

²⁴Di ga kava vaarike iau ba pata boko ra lamanana, Ma ra umana mata na tava ba dia buka ma ra tava, patana boko.

²⁵Ba pa di ga page boko ra umana ngala na luana, Ba pa ta buabuana boko di ga kava vaarike iau;

²⁶Ma pa i ga pait boko ra rakarakan a gunagunan ba ra pupui, Ba ra vunapai ra tobon i ra pia.

²⁷Ba i ga vatur mal ra bala na bakut, iau ga ki, Damana bula ba i ga valar vue ra lao ta ra ul a ta,