Tinata Valavalar 3:14-32

¹⁴Tago ra magit da vatur vake tana i boina, ma nam ba da vatur vake ure ra mani pata, Ma ra magit da pie pa ia tana i kat, ma ra ngatngat na goled pata.

¹⁵I ngatngat tuna ma ra umana kiau na kalagi pata, Ma ra lavur tabarikik ba u anan upi ia pa i varogop me.

¹⁶Ta ra limana tuna i vatur vake ra kini lolokon ati ra pia; Ta ra mairana i vatur vake ra peal tabarikik ma ra variru.

¹⁷Kana lavur nga dia mamar, Ma kana lavur pal a nga dia malmal.

¹⁸I da ra davai na nilaun pire diat dia vatur vake; Ma diat par dia vatur vake dia ti doan.

¹⁹A Luluai i ga vung ra vunapai ra rakarakan a gunagunan ma ra kabinana; Ma i ga page ra bala na bakut ma ra kapa na ninunuk;

²⁰A lamanana i ga vuvuai rikai ta kana minatoto, Ma ra mavoko i tua kan ra bakut.

²¹Natugu, koko una lingan kan diat; Una vatur vake ra dovot na kabinana ma ra kapa na ninunuk;

²²Damana diat a valagar pa ra balam, Ma diat a da ra magit na marmar ta ra inoam.

²³Una ga vana bulu ta kaum nga, Ma vakir una ga tuke ra kaum.

²⁴Ba u va, pa una burut; Ma ba u va mat, kaum nidiop na kalakalami piram.

²⁵Koko una burut ure ta magit na kinaian. Ba ure ra vinirua kai ra tena varpiam, ba i tadav ia;

²⁶Tago una nurnur tai ra Luluai, Ma na balaure ra kakim upi koko na papa ta ra kun.

²⁷Koko una muie ra bo na magit ta diat i topa diat, Ona i tale u ba una tul tar ia ta diat.

²⁸Koko una biti tai talaim, Una vana ka boko, ma una vana mulai uti, ma ningene ina tabar u, Ma go u tar vung ra magit.

²⁹Koko una nuk upi ta kaina magit ure talaim, Tago i kiki bulu piram.

³⁰Koko amur a varngangar vakuku ma ta tutana, Ona pa i ga pait ta kaina magit piram.

³¹Koko una pin ra tena vakavakaina, Ma koko una pilak pa kana ta mangamangana;

³²Tago nina i gegagege ra maukuana i da ra magit na milmilikuan pire ra Luluai, Ma ra dovot na tutana dir ki na bartalaina me.