Tinata Valavalar 29:11-21

¹¹A lunga i vaarike kana kankan par, Ma ga ra tena kabinana i tur bat ia ma i vangoa.

¹²Ba tika na luluai i kapupi ra vaongo, Kana lavur tultul par dia kaina.

¹³Ra luveana ma nina i ki taun ia dir varkuvo; A Luluai i vakapa ra mata i dir par.

¹⁴A king ba i kure vadovot ra umana luveana, Kana kiki na king na tur pa na mutu.

¹⁵A virvirit ma ra varpit dir vuna ta ra kabinana, Ma ra bul ba da nur vue ke na varuva nana.

¹⁶Ba ra umana tena varpiam dia varkurai, a varpiam i tavua; Ma ra umana tena takodo diat a gire boko kadia bunura.

¹⁷Una vapagumanene natum, ma na vango u; Maia, na vagagane ra balam.

¹⁸Ona pa ta tinata na vavaarikai ra tarai dia kuabar, Ma nina ba i toratorom ta ra varkurai i ti doan.

¹⁹Pa da tovo valar pa ra tultul ma ra tinata ka, Tago a dovotina, kan i kapa ra nuknukina, ma pa na torom.

²⁰Dave, u gire tika na tutana i rurut ma kana tinata? Kan ra lunga na boina namur, ma nam pata.

²¹Nina i vangala kana bul na tultul da ra vamel, Na vatur vake boko da natuna.