Tinata Valavalar 27:15-24

¹⁵A tuatua ba pa i ngo ta ra bung na bata tuna Dir vardada ma ra vavina, a tena varngangar;

¹⁶Nina i mainge ba na tur bat ia, i tur bat ra vuvu, Ma i da ra limana tuna i vatur ra dangi.

¹⁷A palariam i vamangi ra palariam, Damana ra tarai dia vargat vargiliane diat.

¹⁸Nina i balaure ra lovo na en ra vuaina, Ma nina i kudakudar pire kana luluai na vatur vake ra variru.

¹⁹Da ra malalar i ra tutana ta ra tava dir varogop ma ra matana tuna, Damana ra nuknuk i ra tutana i vaarike ra tutana iat.

²⁰A ruarua na tulungen ma ra tavul a vinirua pa dir maur ta tika na bung, Ma ra mamainga kai ra tarai pa i ngo ta tika na bung.

²¹Di tun vagomgom ra silva ta ra kabala, ma ra goled ta ra ubu, Ma di valar ra tutana ma ra pite varpa pirana.

²²Ma ona u akak gigi ra lunga ma ra tututuk ta ra la na vat livuan ta ra kon di gigi ia, A dovotina kana mangamangana papaua pa na vana kan ia.

²³Una ongor upi una nunure bai dave kaum kikil na sip, Ma una balaure bulu kaum lavur vavaguai;

²⁴Tago ra ngala na tabarikik pa i tur vatikai; Ma dave, da vatur vake ra kere na king pa na mutu vang?