Tinata Valavalar 26:17-27

¹⁷Nina i maravut ta ra varngangar ba vakir kana, I da tikai i vatur vake ra talinga i ra pap.

¹⁸Da ra longlong nina ba i vue ra biro na ul, Ma ra pu, ma ra minat,

¹⁹Damana ra tutana i tuam pa lalaina, Ma i biti, Iau varvaula ka!

²⁰Ona pa ta davai, ra iap i mat; Ma ona pa ta tena varmaianao, ra varngangar i ngo.

²¹Da ra pal a kaka ta ra lakit, ma ra davai ta ra iap, Damana ra tena vartoto i vabirao ra varngangar.

²²A tinata kai ra tena varmaianao i varogop ma ra magit i kalakalami, Ma i ruk ra bala i ra tarai ara iat.

²³A kalakalami na tinata ma ra kaina nuknuk Dir varogop ma ra la na pia ba di kola ma ra buabuai na silva.

²⁴A tena milmilikuan i tavir ma kana tinata, Ma ta ra balana i vung vake ra vartuam;

²⁵Ba i marmari kana tinata, koko una nurnur tana; Ta go lavurua na bilak na magit dia ki ta ra balana;

²⁶Ma ba i turup kana milmilikuan ma ra vavagu, Da ga vaarike vakapa boko kana bilak na mangamangana ta ra luaina mata i ra kivung.

²⁷Nina iat ba i kal ra ubu na bura tar tana, Ma nina ba i pul ra vat, na lilikun mulai pirana iat.