Tinata Valavalar 25:14-20

¹⁴Da ra bakut ma ra vuvu ba pa ta bata tana, Damana ra tutana ba i malamala tena vartabar.

¹⁵A mangamangana vovovon i vo valar pa ra tena varkurai, Ma ra madu na tinata i bubur ra ur.

¹⁶Dave, u tar tikan tadav ra bulit na livur? Una en ra ngungu tana ba i topa u, Kan una manga maur me, ma una marue mule.

¹⁷Koko una ruk milat ra kuba i talaim, Kan na talanguan tam, ma na milmilikuane u.

¹⁸A tutana ba i varvarvai vavaongo ure talaina, I da ra ram, ma ra pakat na vinarubu, ma ra pu i lamia.

¹⁹A nurnur tadav ra tavir na tutana ta ra bung na purpuruan, I da ra pal a ngia i tabubur ma da ra keke i takari.

²⁰Da tikai i ule vue ra mal ta ra madoldol, ma da ra tava i pinpidian ta ra mata na manua, Damana nina i kakailai pire tikai i mamat ra balana.