Tinata Valavalar 21:21-31

²¹Nina i mur ra mangamangana takodo ma ra varmari, Na tikan tadav ra nilaun ma ra variru.

²²A tena kabinana i ko rikai ta ra pia na pal kai ra umana lebe, Ma i vue pukue vue ra dekdekina nina di nurnur tana.

²³Nina i tur bat ra ngiene ma ra karameana, I balaure bat kana nilaun kan ra kini na malari.

²⁴Nina ba i kolakolo ra nuknukina ma i malamala luluai, di vatang ia ba ra tena varkulumai, I papalum ma ra ngala na nuknukina ure mule, ma pa i ruva.

²⁵A tabauma i mat ma ra mamainga upi ta magit. Tago ra limana i ole ra papalum.

²⁶Tikai go i manga puruai ra balana upi ra magit a bungbung parika, Ma ra tena takodo i varvartabar ma pa i muie.

²⁷A tinabar kai ra tena varpiam a magit na milmilikuan; Maia pa, a magit na milmilikuan tuna ba i tul tar ia ma ra bilak na nuknukina.

²⁸A tena varvai vavaongo na virua ka, Ma ga ra tinata kai nina i valavalongor na tur tukum.

²⁹A kaina tutana i vadekdek bat ra matana, Ma ra dovot na tutana i kure mal kana vinavana.

³⁰Pa ta kabinana, ma pa ta minatoto, Ma pa ta varkurai na tur bat ra Luluai.

³¹Di vaninare ra os ure ra bung na vinarubu, Ma ra niuvia iat i vuna tai ra Luluai.