Tinata Valavalar 18:8-12

⁸A lavur tinata kai ra tena varmaianao dia da ra magit i kalakalami, Dia ruk tara bala i ra tarai ara iat.

⁹Nina i talatalanguan ta kana papalum Dir turana ma ra tena varli.

¹⁰A iang i ra Luluai i da ra dekdek na pal na bakbakit; A tena takodo i vilau tar tana ma i ki bulu tana.

¹¹A tabarikik kai ra uviana i da ra dekdek na pia na pal pirana, Ma ia iat i nuk ia ba i da ra ngala na liplip pirana.

¹²Lua ta ra vinirua ra nuknuk i ra tarai i malamala ngala; Ma ra kini vovovon i lua, namur ra variru.