Tinata Valavalar 13:14-19

¹⁴A vartovo kai ra umana tena kabinana i da ra mata na nilaun, Upi da laun kan ra lavur palai na minat.

¹⁵Da manamanane ra bo na minatoto, Ma ga ra nga kai ra umana tena vavagu i dekdek ika.

¹⁶A tarai par ba dia matoto dia papalum ma ra kabinana, Ma ga ra lunga i vaarike vurvurbingitane ra magit na papaua.

¹⁷A kaina vilavilau i bura ta ra kaina, Ma ga ra dovot na tultul i valavalaun.

¹⁸A kini na luveana ma ra vavirvir dir a tadav nina ba na piam vue ra varvarteten, Ma ga nina ba na nuk pa ra varpit da ru ia boko.

¹⁹Ba da pait ot pa kada mamainga i kalakalami ta ra bala i dat, Ma i da ra magit na milmilikuan pire ra umana lunga ba diat a vung vue ra varpiam.