Tinata Valavalar 12:5-13

⁵A nuknuk i ra umana tena takodo i ko, Ma ra varvateten kai ra umana tena varpiam i vaongo ko.

⁶A tinata kai ra umana tena varpiam i kobot upi ra gap, Ma ga ra ngie i ra umana tena takodo na valaun diat.

⁷Di vue pukue vue ra umana tena varpiam, ma dia panie, Ma ga ra kuba i ra umana tena takodo na tur uka.

⁸Di pite pa tikai varogop ma kana kabinana, Ma di pidimuane ke nina i gegagege ra balana.

⁹Nina di ru ia a ik ika, ma tika na tultul i ki pirana, i boina, Ma pa i boina ba tikai i ru mule, ma i iba upi ra nian.

¹⁰A tena takodo i mari kana vavaguai, Ma ga ra bala i ra tena varpiam i varvakadik.

¹¹Nina i palum kana pia na uma na varurue ra ngala na magit na nian, Ma ga nina ba i murmur ra mangamangana vakuku i papaua.

¹²A bilak na tutana i mainge ba na pait ra kaina, Ma ga ra okor i ra tena takodo i vuai.

¹³Ba i rara ra ngie i ra tutana i da ra palai pirana, Ma ga ra tena takodo na langalanga kan ra purpuruan.