Tinata Valavalar 12:1-8

¹Nina i mainge ra varvateten i mainge ra kabinana, Ma nina i milikuane ra varpit i tuptup uka.

²A Luluai na manane ra bo na tutana, Ma na kure vakaina ra tutana ba i bilak ra nuknukina.

³Pa ta tutana na ki padikat ure ra bilak na mangamangana, Ma ra vunapai ra tena takodo pa na takari muka.

⁴A vavina ba i gomgom kana mangamangana i da ra kere na minamar ta ra ulu i kana tutana, Ma nina i pait ra magit na vavirvir i da ra maroto ta ra uruna.

⁵A nuknuk i ra umana tena takodo i ko, Ma ra varvateten kai ra umana tena varpiam i vaongo ko.

⁶A tinata kai ra umana tena varpiam i kobot upi ra gap, Ma ga ra ngie i ra umana tena takodo na valaun diat.

⁷Di vue pukue vue ra umana tena varpiam, ma dia panie, Ma ga ra kuba i ra umana tena takodo na tur uka.

⁸Di pite pa tikai varogop ma kana kabinana, Ma di pidimuane ke nina i gegagege ra balana.