Tinata Valavalar 10:25-32

²⁵Ba ra kalivuvur i bolo, ra tena varpiam i panie tana, Ma ra tena takodo i da ra vunapaina i tur okot tukum.

²⁶Da ra tava mapak ta ra pal a ngie i dat, ma da ra mi ta ra kiau na mata i dat, Damana ra tabauma pire diat dia tultulue.

²⁷A variru tadav ra Luluai i valolokon ra kini ati ra pia, Ma da vakom ra kilala kai ra tena varpiam.

²⁸A mutuai ra kini nunur kai ra tena takodo a gugu, Ma ra magit ba ra umana tena varpiam dia ki pa ia na panie ke.

²⁹A nga kai ra Luluai ia ra bakbakit ure ra tena takodo, Ma ga ra umana tena pait ra kaina dia virua tana.

³⁰Pa da tak vakari vue muka ra tena takodo, Ma ga ra umana tena varpiam pa diat a ki vatikai ta ra gunan.

³¹Ra ngie i ra tena takodo i vuai vaarike ra kabinana, Ma da poko kutu vue ra karamea i ra tena tavir.

³²A ura bul na ngie i ra tena takodo dir matoto ta ra magit i vakak, Ma ra ngie i ra umana tena varpiam i tatike ra magit i gegagege.