6Mâc wiac nânâne gâcne mâreŋzi sabata hombaŋ dameŋ ira gume hesiwiŋ ecneocmu izi ine ŋaŋacne â kiŋaŋ qaqafâc‐ŋeŋic furi bacjopakicne â kiŋaŋ ŋic ŋokacfâc‐ŋeŋic gâcne moneŋ gie baeŋgopieŋ, erâ ŋic jabane ŋondeŋ‐ŋeŋicko jueŋgopieŋ ŋoŋere nânâ ezejec.
7Erâ hae qowi â kâte qowi mâreŋ‐ŋeŋicko jueŋgopieŋ jaŋere wâc mâmâc ezejec.
8“Eme ŋoŋe sabata jara hombaŋ iŋucne 7 guru 7 irec sâc wosekupie jara 49 ezejec.
9Eme jara 50 irec mosa 7 â ʒoaŋ gie bapa 10 ira ine qeŋ lama ʒuŋezi bakicne i qâsokapie fânâŋ‐ticne mâreŋ sâc rafârezejec. Ine kiwiric roro dameŋ ira hâcne qeŋ qapie fânâŋ‐ticnezi mâreŋ‐ŋeŋic sâcke‐fârezejec.